بوردة تحكم لمزرعة دواجن
بتظبط الحرارة وسرعة الشفاطات ومواعيد الدفاية والتكييف، وبتتحكم فيها من تطبيق موبايل.
الخدمات
عندك فكرة؟ بنعملها. من تصميم البوردة وبرمجتها، لحد القطعة المتفرزة أو المطبوعة اللي تركبها فيها.
هندسة
بوردات، برمجة، وأنظمة متصلة بالإنترنت، للشركات والأفراد.
تصميم البوردات المطبوعة
بوردات وجه واحد لحد متعددة الطبقات، من الرسم لملفات التصنيع، والتجميع واللحام.
الهندسة العكسية
استخراج رسم الدايرة من بوردة مالهاش توثيق، عشان تتصلح أو تتطور. للماكينات الصناعية ووحدات العربيات والموتوسيكلات.
تصنيع
تفريز، ليزر، طباعة ثلاثية الأبعاد وتصميم.
تفريز CNC على الأكريليك والخشب
قص وتفريز CNC على الأكريليك والخشب. ابعتلنا الملف والمقاسات. لو مش معاك ملف، شوف خدمة التصميم تحت.
السعر حسب المقاس والخامة ووقت التشغيل.
قص ليزر CO2
قص وحفر بليزر CO2. قولنا الخامة اللي عايز تقص فيها وابعت الملف، وهنقولك لو الماكينة تقدر عليها وبكام.
السعر بيتحدد بعد ما نشوف الملف والخامة.
طباعة ثلاثية الأبعاد
ابعتلنا ملف STL ونطبعهولك بخامة PLA أو ABS أو TPU أو PETG. بنراجع الملف قبل الطباعة ونقولك لو محتاج تعديل.
السعر بالجرام وبالساعة. ابعت الملف وهنقولك السعر.
إحنا نعملك التصميم
معندكش ملف لمشروعك؟ إحنا نعملك التصميم. قولنا المقاسات والفكرة وهنسلّمك ملف جاهز للتفريز أو القص أو الطباعة.
السعر منفصل عن التشغيل.
شغل عملناه
بوردة بيت ذكي 12 مخرج
كل مخرج بيشيل لحد 2200 وات. بتتحكم فيها من الموبايل ومن Amazon Alexa.
بوردة بيت ذكي 4 مخارج
كل مخرج بيشيل لحد 6600 وات، لأحمال أتقل. نفس التحكم من الموبايل وAlexa.
عندك فكرة؟
ابعتلنا عنها. هنرجعلك بخطة وتقدير للتكلفة والوقت.